Granada dhe Almeria kanë ndarë pikët në përballjen e javës së 25-të në La Liga.
Ndeshja e zhvilluar në stadiumin “Los Carmenes” përfundoi me rezultatin 1:1.
Almeria kaloi e para në epërsi me golin e Marc Pubill (9’).
Vendasve një pikë nga kjo përballje ia siguroi sulmuesi shqiptar, Myrto Uzuni (75’).
Për 28-vjeçarin ishte ky goli i tij i shtatë në elitën e futbollit spanjoll. Ai ka edhe një asistim gjithashtu.
Si zakonisht, edhe sonte Uzuni ishte titullar dhe e luajti tërë ndeshjen.
Granada pas këtij barazimi ka 14 pikë dhe vazhdon të jetë në pozitën e parafundit (19).
Almeria është e fundit me vetëm tetë pikë të grumbulluara.
