Tri raste të vjedhjes kanë ndodhur në mbrëmjen e së hënës në fshatin Rogovë të Gjakovës.
Hajnat arritën të hyjnë në tri shtëpi të këtij fshati, duke vjedhur para dhe stoli të arit.
Deri më tani nuk ka ndonjë të dyshuar lidhur me ngjarjen.
Rastin e ka konfirmuar për Klankosova.tv zëdhënësi i policisë për rajonin e Gjakovës, Sheremet Elezaj.
Elezaj tha se janë iniciuar raste për hetim “vjedhje e rëndë”.
“Rastet janë duke u hetuar”, tha Elezaj për Klankosova.tv
Raportohet se vlera e dëmit të shkaktuar nga këto vjedhje është 7 mijë euro.
