Çatia e një gjimnazi në veri- lindje të Kinës është shembur derisa po përdorej nga një ekip volejbolli për vajza, me ç’rast të vdekur kanë mbetur 11 persona.
Sipas raportimeve të mediave lokale, shumë prej viktimave janë fëmijë, por kjo ende nuk është konfirmuar zyrtarisht.
Prindërit e shqetësuar janë grumbulluar para një spitali duke kërkuar informacione për fëmijët e tyre.
Vetëm tetë nga 19 personat që ishin brenda palestrës në provincën industriale të Heilongjiang mbijetuan.
Një hetim paraprak zbuloi se perliti, një formë e qelqit, ishte vendosur në formë ilegale në çati duke thithur ujin e shiut, i cili shkaktoi shembjen në orën 15:00 me kohën lokale.
