Efi Dhedhes ka qenë padyshim një nga protagonistet kryesore të edicionit të dytë të ‘Big Brother VIP Albania’ duke qenë shumë e komentuar në rrjetet sociale për lojën e saj brenda shtëpisë, raportet me Luiz Ejllin, e padyshim edhe për jetën e saj private.
Me një vëmendje kaq të madhe padyshim që edhe ofertat për të kanë qenë të shumta. Ndër to edhe ftesat për të qenë pjesë e videoklipeve të artistëve të njohur, përmendim këtu Mozzikun, ku bukuroshja u shfaq si protagoniste në këngën “Fatkeqësi” pas daljes së saj të parë nga shtëpia më e famshme në Shqipëri.
Gjatë kësaj periudhe, Efi ka qenë tejet aktive me postime në rrjete sociale, por a do ta shohim vetëm kaq për një kohë të gjatë bukuroshen?
Në kuadër të një ‘pyetësori’ në Instagram, një prej ndjekësve e ka pyetur nëse do të angazhohet në televizion dhe ajo është përgjigjur duke kërkuar mendimin e tyre nëse duan ta shohin në ekran apo jo – transmeton TAR.
Efi Dhedhes mesa duket qenka e preferuara e artistëve për sa i përket pjesëmarrjes në videoklipe e duket se finalisten e ‘BBV’ do ta shohim edhe në projektin e radhës së Ronela Hajatit. Dyshimet për këtë kanë lindur nga një video e postuar nga vetë kjo e fundit. Na mbetet të presim dhe pak për të zbuluar se çfarë i ka bashkuar dy bukuroshet.
E pyetur lidhur me një angazhim promovuesi që e fitoi në finale të ‘BBVA2’, ajo ka theksuar se do të vijnë gjëra të mira në vijim.
