Besianë Musmurati është drejtoreshë e arsimit në komunë të Prishtinës.
Ajo për Front Online thotë se prej që ka marrë këtë detyrë është fokusuar në investimet kapitale.
“Kemi bërë në 22 shkolla intervenim dhe në 5 shkolla kemi bërë rinovim të tërësishëm. Sivjet do të kemi objekte më të mira shkollore. Jemi gati për vitin e ri shkollor”.
Sipas Musmuratit, kanë rritur edhe sigurinë në shkolla.
“Dhuna në shkolla gjate pandemisë ka qenë fenomen në rritje, na kane treguar prindërit dhe policët. Kemi investuar 1.5 milionë euro për sigurinë në shkolla. Kemi punësuar 25 psikologë për herë të parë dhe asistentë për fëmijët me nevoja të veçanta”.
