Skuadra franceze e Lille ka mposhtur Lensin në derbin francez të xhiros së 27-të në Ligën e Parë të Francës.
Ndeshja u vendos nga ylli kosovar, Edon Zhegrova, i cili me dy golat e tij ishte protagonisti kryesor i sfidës.
Lille triumfoi me rezultat 2-1 ndaj Lensit, ku Zhegrova me nga një gol në secilën pjesë i dha epërsinë e dyfishtë skuadrës së tij, përpara se klubi i tij të ndëshkohej me një gol menjëherë pas zëvendësimit të tij.
Zhegrova tha se kjo ndeshje do të mbetet përgjithmonë në memorien e tij, teksa falënderoi tifozët dhe bashkëlojtarët e skuadrës.
“Kjo ndeshje do të mbetet përgjithmonë e gdhendur në memorien time. Faleminderit tifozëve dhe shokëve të mi. Ata ishin të shkëlqyer sot”, deklaroi 24-vjeçari pas ndeshjes.
