Një 23-vjeçar nga Kosova u bë autor i një krimi makabër mëngjesin e së dielës në Berlin të Gjermanisë. Para orës 08:00 të mëngjesit, Policia gjermane e gjeti atë duke e goditur me sëpatë një 27-vjeçare nga Ukraina, e cila vdiq.
Policia ndërhyu dhe e ka vrau kosovarin.
Gazeta e njohur gjermane, Bild, shkruan sot se 23-vjeçari përpara krimit i kishte thënë ukrainases se “do të vdesësh”, përcjell Gazeta Express.
“Vrasësi me sëpatë bërtiti: Do të vdesësh sot”, është titulli i Bild.
Gazeta gjermane shkruan për skena horror mëngjesin e së dielës në katin e nëntë të një ndërtese në Berlin. Siç raportohet, bërtimat depërtuan edhe te banesat tjera, pati xhama të thyer dhe ishte dëgjuar një e shtënë.
