Lëvizja Vetëvendosje për nder të ditës botërore të punëtorëve, 1 Majit, përmes një aksioni simbolik në sheshin “Skënderbeu” ka paraqitur kushtet e rënda që sipas tyre kanë punëtorët në Kosovë.
Me përfundim të këtij aksioni, ata iu kanë bashkuar protestës së Bashkimit të Sindikatave të Pavarura të Kosovës të organizuar pikërisht për nderë të kësaj dite.
Ndryshe, një numër jo i madh i qytetarëve janë duke marrë pjesë në këtë protestë me anë të së cilës po shprehin pakënaqësitë për të drejtat e tyre si punëtorë.
“Barazi në përfitime për detyrime të njëjta edhe për qytetarët e Kosovës” dhe “Qeveri boll mo! Zbato ligjet!”, janë disa nga pankartat që mbajnë në duar këta protestues.
