Kryerparlamentari i Kosovës, Kadri Veseli, i ka uruar Frank-Walter Steinmeier zgjedhjen President i ri i Gjermanisë, njofton Klan Kosova.
“E përshëndes zgjedhjen e Presidentit Frank-Walter Steinmeier nga parlamenti gjerman duke shprehur bindjen se me të në krye të shtetit Gjermania ka për të vazhduar të luajë rolin protagonist që ka në Europë”, ka shkruar Veseli në llogarinë e tij në Facebook.
“E falënderoj përzemërsisht Steinmeier për ndihmën që i ka dhënë Kosovës në postin e ministrit të jashtëm dhe i uroj sa më shumë sukses në përmbushjen e detyrës së re fisnike që ka marrë”, përfundon urimi i Veselit.
