Shefi i stafit të presidentes Osmani, Blerim Vela, në një postim në Tëitter ka shkruar se Kosova po kryen pjesën e saj në implementimin e marrëveshjeve të Brukselit.
Ai ka përmendur çështjen e diplomave, duke thënë se serbët që kanë studiuar në Universitetin e Mitrovicës së Veriut mund t’i dorëzojnë diplomat për verifikim, ndërsa në anën tjetër Serbia nuk i verifikon të gjitha diplomat e lëshuara nga universitetet dhe kolegjet në Kosovë.
“Kosova po bën pjesën e saj në implementimin e marrëveshjeve të Brukselit. Serbët lokal që kanë studiuar në Universitetin e Mitrovicës së Veriut tash mund t’i dorëzojnë diplomat për verifikim. Në anën tjetër, Serbia nuk i verifikon të gjitha diplomat e lëshuara nga universitetet dhe kolegjet në Kosovë”, ka shkruar Vela në Twitter.
