Vedat Muriqi ka vazhduar me formën e mirë në La Liga. Reprezentuesi i Kosovës shënoi sonte në fitoren e rëndësishme të regjistruar sonte nga Mallorca.
Mallorca fitoi si vendase 2:1 ndaj Deportivo Alavesit, në ndeshjen e vlefshme për javën e 33-të.
Goli i shënuar nga Vedat Muriqi në fundin e pjesës së parë (45+4’), doli të jetë edhe goli i fitores.
Për sulmuesin prizrenas ishte ky goli i tij i katërt në këtë sezon në La Liga, nga 12 paraqitje të bëra deri më tani.
27-vjeçari ka shtuar edhe një asistim, që do të thotë se ai ka qenë i përfshirë në pesë gola të Mallorcas.
Kësisoj, Vedat Muriqi bëhet futbollisti i parë që përfshihet në pesë gola në vetëm 12 paraqitje brenda sezonit 2021/22 në elitën e futbollit spanjoll te skuadra e Mallorcas.
