Një 69-vjeçare ka humbur jetën sot në plazhin e Qeparosë në Himarë, pasi ra në kontakt me ujin.
Sipas njoftimit të Policisë bëhet e ditur se shtetasja E. D., 69 vjeçe dyshohet se ka humbur jetën për shkak të arrestit kardiak.
“Sot, rreth orës 13:00, në plazhin e Qeparos, shtetasja E. D., 69 vjeçe, banuese në Kudhës, sapo ka rënë në kontakt me ujin nuk është ndjerë mirë nga gjendja shëndetësore dhe ka humbur jetën. Paraprakisht dyshohet se ka humbur jetën për shkak të arrestit kardiak.
Grupi hetimor po punon për përcaktimin e shkakut të humbjes së jetës”, thuhet në njoftim.
