5.3 C
Pristina
Sunday, April 21, 2024

Buy now

spot_img

Testi i PISA-s e mbështet për muri Arsim Bajramin, kërkon më shumë buxhet për arsimin

Në prezantimin e Rezultateve të Vlerësimit Ndërkombëtar (PISA) 2015, ministri i arsimit, Arsim Bajrami, ka thënë se është fakt inkurajues se Kosova ka pasur një vlerësim kredibil dhe se rezultatet e nxjerra nga ky vlerësim tregojnë se arsimi duhet të trajtohet si prioritet kombëtar

Dimë se sipas rezultatet të testit PISA, Kosova pothuajse u radhit e fundit në këtë listë nga shtetet e tjera sa i përket arsimit dhe arritshmërisë.
Ministri Bajrami ka thënë se duhet të bëhet një ndarje më e madhe e buxhetit për sektorin e arsimit.
“Përcaktimi ynë që arsimi të jetë prioritet kombëtar duhet të rezultojë me një ndarje më të madhe të buxhetit për sektorin e arsimit. Nuk duhet të varemi nga mbështetja e donatorëve, sepse ngritja e cilësisë në arsim është përgjegjësi vendore, e ne mund të marrim praktikat më të mira nga ata. Duke ndarë më shumë buxhet, ne investojmë në të ardhmen tonë”, është shprehur ministri Bajrami.
Ministri Bajrami, po ashtu ka shprehur besimin e tij se, rezultatet PISA- 2015 do të ndihmojnë që në Testin PISA- 2018, rezultatet e Kosovës të jenë të krahasueshme me ato të shteteve të BE-së.
Ndër të tjera, ministri Bajrami ka folur edhe për 5 hapat të cilat Ministria e Arsimit i ka marrë për ngritjen e nivelit të cilësisë në arsimin parauniversitar, e të cilat janë: miratimi i Strategjisë Kombëtare për Ngritjen e Cilësisë, përfundimi i suksesshëm i procesit të pilotimit të Kurrikulës, rishikimi teksteve, hartimi i Planit Strategjik të Zhvillimit në Arsim 2017/ 2021 dhe përmirësimi i legjislacionit.
Ndërsa, udhëheqësja e deritanishme e Programit për Zhvillimin e Kapaciteteve në Arsimin Fillor- GIZ, znj. Dagmar Fuchs-Schmitz, theksoi se, ka ardhur koha që Qeveria e Kosovës të marrë vendime vitale për zhvillimin e mëtutjeshëm të arsimit, sepse shtetet të cilat kanë bërë reforma në arsim janë shtetet më përparimtare në OECD.
Në testimin PISA 2015 janë përfshirë 28 komuna, me mostër prej 225 shkollave dhe 5161 nxënës të moshës 15 vjeqare, të cilët janë testuar në shkencë, lexim dhe matematikë. Sipas rezultateve të publikuara, arritshmëria e nxënësve kosovarë në shkencë është 378, në lexim 347 dhe në matematikë 362.
Arritshmëria në këtë testim raportohet duke përdorur rezultatet mesatare. Rezultatet janë të standardizuara me mesataren e OECD-së në rreth 500 pikë.

Artikuj të ngjashëm

- Marketing -spot_img
- Marketing -spot_img

Artikujt e fundit

- Marketing -spot_img