Sot do të tentohet për herë të gjashtë konstituimi i Komisionit Hetimor Parlamentar në lidhje me procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore nëpërmjet kualifikimit të procedurës si sekret shtetëror për furnizime të tilla.
Takimi është paraparë të fillojë nga ora 9:30.
Konstituimi i këtij Komisioni ka dështuar pesë herë, për shkak të bojkotimit të deputetëve të pozitës për të marr pjesë në mbledhje. Ky bojkotim i mazhornacës është duke ndodhur pasi sipas tyre opozita nuk po i voton marrëveshjet ndërkombëtare.
Kryesuesi i këtij Komisioni Rashit Qalaj, tha dy ditë më parë se është shqetësuese se si partia në pushte është duke bojkotuar konstituimin e Komisionit. Ai tha se kanë dërguar kërkesë në Zyrën Ligjore të Kuvendit që të tregohet se si duhet që të veprohet pas bojkotimit të deputetëve të VV-së.
Tentohet për herë të gjashtë konstituimi i komisionit hetimor për rezervat shtetërore
