Të fitosh tripletën pa dyshim që është sukses historik pasi që shumë pak ekipe e kanë bërë në histori të futbollit.
Barcelona është ekipi i vetëm që ka arritur ta fitoi dy herë ‘tripletën’. Ekipe si Bayern Munchen, Manchester United, Celtic, Inter etj kanë arritur që së paku njëherë gjatë historisë së tyre ta fitojnë, transmeton Indeksonline.
Në garë këtë sezon për ta fituar ‘tripletën’ kanë mbetur vetëm edhe shtatë skuadra. Real Madrid deri në ndeshjen e mbrëmshme ishte ne garë por pas eleminimit në ‘Kupë të Mbretit’ ka mbetur në garë vetëm ‘La Ligën’ dhe ‘Ligën e Kampionëve’.
Porto, Ajax, Paris Saint-Germain, Manchester United, Manchester City , Bayern Munchen dhe Barcelona janë skuadrat e vetme që janë në garë për të fituar tri kompeticione.
Kandidatët më serioz për të fituar tripletën deri më tani këtë sezon po cilësohen, PSG, Manchester City dhe Barcelona.
