Analisti Ermal Sadiku ka thënë në emisionin Pressing në T7 se ministri Liburn Aliu po del më i fortë pas publikimit të një skandali ku përmendet ministria e tij.
Sadiku thotë se ka pasur shumë dyshime për Aliun dhe punën e tij, por ai shton se tani ai ka një përkrahje më të madhe.
“Ishte ndoshta targeti i qeverisë. Së bashku me ministren Gërvalla. Edhe pse ajo ishte më shumë për lapsuzet e saj në rrjete sociale dhe gabime tjera amatoreske”, tha ai.
“Disa njerëz filluan ta shohin si shenjë. Filluan disa shkrime dhe incizime dhe në fund pas kësaj po del ma i fuqishëm se sa që ishte. Çkado që u fol nuk ishte bash e vërtetë”, shtoi ai.
Tutje ai shton se publikimi i skandalit i bëri nder.
“U kthye boomerang. Mendoj se ia bënë një nder me ato postime”, përfundoi ai.
