Rusia dhe Kina kanë vënë veton ndaj një rezolute të propozuar nga Shtetet e Bashkuara të Amerikës në Këshillin e Sigurimit të OKB-së, e cila kërkonte një armëpushim në Gaza, e lidhur me një marrëveshje pengjesh.
Votimi në Këshillin e Sigurimit prej 15 anëtarësh ishte 11 anëtarë pro dhe tre kundër, duke përfshirë Algjerinë, përfaqësuesin arab në këshill. Pati një abstenim, nga Guajana, shkruan euronews.
Para votimit, Vassily Nebenzia, ambasadori rus në OKB, deklaroi se Rusia ishte në favor të ndalimit të menjëhershëm të armiqësive. Megjithatë, ai kritikoi gjuhën e holluar që i referohej imperativave morale, të cilat ai e quajti formulim filozofik që nuk i përket një rezolute të OKB-së.
Nebenzia akuzoi Sekretarin Amerikan të Shtetit, Antony Blinken dhe ambasadoren e ShBA-së Linda Thomas-Greenfield për “mashtrim të qëllimshëm të komunitetit ndërkombëtar”.
