Përparim Rama, kandidat i LDK’së për kryetar të Prishtinës ka kritikuar kundërkandidatin e tij Arben Vitia. Thotë se Vitia është i varur dhe nuk merr vet vendime.
Përparim Rama, ka thënë se kundërkandidati i tij, Arben Vitia, është tërësisht i varur nga lidershipi i Vetëvendosjes dhe kjo do ta dëmtonte qytetarin e Prishtinës.
Rama, në Pressing tha se Vitia nuk ka aftësi menaxhuese për Prishtinën. Ai rikujtoi se Vetëvendosje ka qene në pushtet për gati 6 vjet në Prishtinë dhe nuk kanë arritur të bëjnë asnjë ndryshim për qytetin.
“Si kandidat unë i kam thënë edhe z.Vitia se absolutisht nuk ka aftësi menaxheriale, nuk merr vet vendime”, tha Rama.
“Në pyetjet se a do të dal në debat ka thënë se do ta shqyrtojë me këtë apo atë, është dashur ta pyes dikë ai”, theksoi Rama.
“Nuk di kush do të merr vendime aty, a do të marr vendime z.Vitia apo të gjitha di të vijnë nga lart”, shtoi ai.
“Kryeqytetit i duhet njeri që di, mundet dhe vet merr vendime”, përfundoi Rama.
