Presidentja e Kosovës Vjosa Osmani, ka pritur deputetin e Bundestagut gjerman Florian Hahn.
Në këtë takim u diskutua për situatën aktuale politike dhe të sigurisë në vend.
Osmani theksoi nevojën e thellimit të bashkëpunimit me Gjermaninë në fushën e mbrojtjes dhe sigurisë, si dhe qëndrimin unik kundrejt tendencave destabilizuese ndaj Kosovës, por edhe në rajon e më gjerë.
“Kosova është fuqimisht e përkushtuar në rrugën e integrimit euroatlantik me synim të qartë për anëtarësim në BE dhe në NATO”, tha Osmani.
Në lidhje me anëtarësimin e Kosovës në Këshillin e Evropës e para e shtetit u shpreh se “anëtarësimi është në interes të të gjithë qytetarëve pa dallim dhe se kjo çështje ka të bëj me të drejtat dhe liritë e njeriut”.
“Me këtë rast, Presidentja Osmani shprehu falënderimin dhe mirënjohjen e lartë për mbështetjen e vazhdueshme të shtetit mik të Gjermanisë në të gjitha proceset në të cilat ka kaluar vendi dhe populli ynë si dhe përkrahjen e madhe ne synimet tona drejtë integrimeve euroatlantike”, thuhet në njoftimin e Presidencës.
