Prishtinë, 07 dhjetor 2022 – Më datë 05.12.2022, në stacionin policor Veriu në Prishtinë, pala ankuese ka raportuar se pas një postimi në facebook, përmes po të njëtit rrjeti social, ka praniar mesazhe kërcënuese nga persona të panjohur.
Menjëherë pas raportimit policia ka filluar trajtimin e informacioneve si dhe ka ndërmarrë verimet e nevojshme operativo-hetimore në përpjekje për të ndriçuar dhe sqaruar të gjitha rrethanat që kanë karakterizuar rastin.
Që nga dita e raportimit, hetuesit e Njësitit të Hetimeve të Përgjithshme, kanë punuar në ndriçimin e rrethanave të rastit, dhe të njëjtit kanë identifikuar dhe siguruar prezencën e të dyshuarit;
E.B, mashkull 22 vjeç, shtetas i Republikës së Kosovës,
i cili sot është intervistuar nga ana e policisë dhe me urdhër të prokurorit të shtetit i njëjti është dërguar në mbajtje.
Aktualisht hetuesit po punojnë në identifikimin dhe arrestimin e personave të tjerë të dyshuar.
