Mos u nisni drejt stadiumit “Fadil Vokrri” me makinë sonte pa e lexuar këtë lajm

Federata e Futbollit e Kosovës kërkon nga qytetarët që deri nesër në mëngjes t’i largojnë veturat e parkuara rreth stadiumit “Fadil Vokrri” në Prishtinë.

Çdo veturë e mbetur do të konfiskohet nga kompanitë përgjegjëse për largimin e veturave.

Ky veprim bëhet në kuadër të organizimit të ndeshjes së Superkupës së Kosovës, ndërmjet Dritës dhe Prishtinës, e cila njëherësh shërben edhe si test për licencim të stadiumit nga inspektorët e UEFA-s.

FFK-ja kërkon mirëkuptimin e qytetarëve dhe beson në bashkëpunim të ndërsjellë.