Kandidati për deputet nga PSD, Dardan Mollqaj ka shkruar një stutus pas publikimit të videos në të cilën ai ishte përfshirë në një përplasje fizike me Haki Abazin, kandidat për deputet nga VV-ja.
E gjithë kjo ndodhi pas një debati të nxehtë televiziv në T7.
Ky është postimi i plotë i Molliqajt:
Shumë mirë që dolën videot. Tash ndalen të gjitha spekulimet.
Një subjekt që u paraqit si viktimë dhe ndërtoi konspiracione bashkë me një televizion, po dalin hapur si mashtruesit e radhës.
Shpifin në emisione; sulmojnë vetë pas emisioneve; ikin me vrap pastaj dhe në fund tentojnë të paraqiten si viktima.
Mua më vjen keq për situatën e krijuar por asnjëherë nuk do të ndalem duke ia thënë të vërtetën secilit. Unë nuk fshihem. As nuk mashtroj. As nuk viktimizohem.
Luftoj për atë që besoj.
