Kryetari i Rahovecit, Smajl Latifi i ka dhënë mirënjohje të riut, Nasib Krasniqi pasi që para pak javësh ai kishte shpëtuar një vajzë që ishte hedhur nga ura e Fshajt.
“Njerëzit që shpëtojnë jetën e të tjerëve meritojnë lavdata dhe respekte. Ata bëjnë veprime të guximshme duke rrezikuar jetën e tyre për të shpëtuar jetën e një personi tjetër.
Jeta e secilit është e shenjtë dhe me vlera e kur dikush me qëndresë mbron vlera të tilla, meriton të vlerësohet e të respektohet përherë.Me kënaqesi ndava mirënjohje për të riun Nasib Krasniqi nga Xërxa, i cili ditë më parë, më 27 mars 2023, nuk kurseu veten për të shpëtuar një vajzë e cila ishte hedhur nga Ura e Fshajit” shkruan kryetari në njoftim.
/PrishtinaPress/
