Policia e Kosovës ka njoftuar se Drejtoria e Hetimit të Trafikimit me Narkotikë, pas një hetimi disamujor, dje ka arritur të arrestojë tre persona, nën dyshimin e bazuar se po merreshin me kontrabandim të substancave narkotike.
Gjatë kontrollit të Policisë kufitare dhe bazuar në informacionet e siguruara nga DHTN, zyrtarët policorë fillimisht kanë ndaluar një veturë Mercedes, pronë e dy personave të dyshuar, në të cilën gjatë kontrollit sipërfaqësor është vërejtur se ka të fshehur substancë narkotike.
Zyrtarët policorë kanë bërë arrestimin e tre personave të dyshuar të cilët dyshohet se kryenin veprat penale ‘blerje , posedim, shitje ose shpërndarje e paautorizuar e narkotikëve, substancave psikotrope ose analoge’ nga neni-273 dhe ‘pjesëmarrje ose organizim i grupit kriminal të organizuar’ neni-283.
Personat e arrestuar në këtë rast janë: U. M. i lindur me 1984, R. M. i lindur me 1982 dhe A. H. i lindur me 1985.
Gjatë këtij operacioni janë konfiskuar: 26 paketime 8453 gramë marihuanë, vetura Mercedes, vetura Peugeot, tre telefona dhe 110 euro.
Me urdhër të prokurorit personat e arrestuar ndalon në qendrën e ndalimit.
Prishtinapress.net është gazetë online e lajmeve nga vendi dhe bota. Ne mbesim të përkushtuar që të ofrojmë lajmet dhe ngjarjet me profesionalizëm, informim te drejtë, të paanshëm dhe të shpejtë. Materialet dhe informacionet në këtë portal mund të kopjohen, të shtypen ose të përdoren por vetëm pas referimit te qartë te burimit te portalit PrishtinaPress në përputhje me kushtet e përdorimit. Ne jemi të parët!
Na kontaktoni në email: info@prishtinapress.net
Për marketing në email: marketingu@prishtinapress.net
Tel: +383 (0) 46 701 - 702 apo +383 (0) 48 911 - 118
© Copyright - www.prishtinapress.net