Deri në tre vite mund të shkojë procesi i shkurëzimit të një çifti, në Gjykatat në Kosovë.
Derisa, divorcimi i çifteve mund të bëhet në dy foma, me marrëveshje ose me padi nga njëra palë, e kjo e fundit mund të zgjasë më tepër edhe për shkak të rrethanave të rastit.
Juristi Anton Nrecaj, thotë se rastet e divorcit zvarriten në Gjykatë si shkak i numrit të madh të rasteve që janë në civile.
“Nuk është gjë e mirë për shkak se edhe si institucione pavarësisht ngarkesës që kanë gjykatat mirëpo është një detyrim kushtetues të cilin e kemi edhe ligjore që gjykatat tona, të e zbatojnë parimin e një gjykimi të drejtë dhe një afat të caktuar,është e paraparë me konventën për të drejtën dhe liritë e njeriut, kjo në praktikë fatkeqësisht në cështjet civile nuk respektohet aspak”, ka thënë juristi, Anton Nrecaj.
Sipas tij, rreth 80% e shkakut të divorcimit mes qifteve është dhuna në familje, cka për të kjo paraqet shqetësim.
“Në këto raste pavarësisht që janë të ndjeshme, fatkeqësisht pjesa më e madhe e shkurorëzimeve që ndodhin në Kosovë, e i cili është në rritje cdo vitë, janë si pasojë e dhunës në familje”, vijon ai.
Në rrjetin e Grave të Kosovës, thonë se gjykatat nuk duhet të i zgjasin procedurat, për rastet e divorcit, sic ndodhë shpesh në praktikë.
“Viktimat e dhunës në familje gratë edhe vajzat janë të këcnuara vazhdimisht në mënyre që ato të mos e raportojnë dhunën në familje, përvec kësaj rrjeti i grave të kosovës është dëshmitarja e asaj që edhe në rastet e dhunës në familje, lëndët kur shkojnë me diveroc rrinë me vite të tëra në sirtar të gjyqtarëve derisa gjyqtari të e pranojë lëndën e të vazhdojë me procedurën e divorcit”, ka deklaruar Besarta Breznica nga RrGK.
Nga Këshilli Gjyqësor i Kosovës, kanë thënë se janë duke bërë verifikimin e saktësisë dhe cilësisë së të dhënave statistikore, sa i përket rasteve të divorcit.
Sipas Agjencisë së statistikave të Kosovës, në vitin 2022 janë regjistruar 2 mijë e 88 shkurorëzime në Kosovë.
