Përdoruesit e Instagram janë ankuar prej kohësh për faktin që rrjeti social të jep pak mundësi për të publikuar informacione personale.
Për këtë arsye, platforma po teston një opsion të ri, i cili ju lejon të ndani postime në feed (kryefaqe) vetëm për “Close Friends” (miqtë e ngushtë).
Instagram konfirmoi për TechCrunch se po e teston këtë veçori në disa vende, por nuk specifikoi se ku.
“Ne po testojmë mundësinë që njerëzit në vende të zgjedhura të ndajnë postimet në feed me miqtë e tyre të ngushtë. Ne jemi gjithmonë duke parë mënyra të reja që komuniteti ynë të shprehet dhe të lidhet në Instagram,” tha një zëdhënës i Meta.
