Në qendër të Beogradit janë shfaqur mbishkrime kërcënuese që i referohen ambasadorit amerikan Christopher Hill.
Mbishkrimi “Vdekje Christopher Hillit” është shfaqur në objektin që ndodhet në cep të rrugës në qendër të Beogradit, raporton Danas.
Nuk dihet se kush dhe kur është shkruar ky mesazh.
Ky është i dyti në serinë e kërcënimeve që i drejtohen ambasadorit amerikan, transmeton gazeta online Reporteri.net.
Kujtojmë se një burrë nga Beogradi është arrestuar dy ditë më parë për shkak të kërcënimeve ndaj ambasadorit Hill.
I arrestuari, siç dyshohet, në rrjetin social “Facebook” ndër të tjera ka shkruar “Koha për një goditje të re të Gavrilo Principit direkt në kokën e okupatorit Christopher Hill…”
I njëjti është ndaluar për 48 orë.
Pak ditë më parë, Ambasadori Christopher Hill është sulmuar verbalisht nga disa gra nëpër rrugët e Beogradit derisa ka ecur me bashkëshorten e tij. Derisa e kanë fyer me fjalë të rënda, gratë ‘protestuese’ e kanë filmuar për 10 minuta Ambasadorin për rolin e tij në vitin 1999 kur ishte bombarduar Serbia.
