Një viktimë mashkull është grabitur në fshatin Bablak të Ferizajt duke i’u marrë 770 euro.
Sipas raportit të Policisë së Kosovës, viktima derisa ka qenë duke u kthyer në shtëpi me veturë dje rreth orës 19:10, ai është goditur nga një veturë tjetër. Më pas nga ajo veturë kanë dalë katër të dyshuar, ku tre prej tyre kanë qenë të armatosur me AK 47.
Viktima ka deklaruar se personat e dyshuar i’a kanë marrë shtatëqind e shtatëdhjetë euro, ndërkaq Policia njofton se në lidhje me rastin është konsultuar prokurori i shtetit dhe hetimet vazhdojnë.
