Një 53 vjeçar është gjetur pa shenja jete në fshatin Bresalc të Gjilanit, i cili dyshohet se ka bërë vetëvrasje.
Rastin e ka bërë të ditur zëdhënësi i Policisë së Gjilanit, Ismet Hashani, i cili ka theksuar se viktima është gjetur në orët e pasdites.
Ndërkohë, vdekjen e ka konstatuar në vendin e ngjarjes mjeku kujdestar.
Hashani ka thënë se prokurori i shtetit ka urdhëruar që trupi i pa jetë të dërgohet në Institutin e Mjekësisë Ligjore për obduksion.
“Dyshohet për vetëvrasje. Fillimisht rasti është cilësuar ‘vdekje e dyshimtë’”, tha Hashani.
