Franca merr sot presidencën e radhës të Bashkimit Evropian, që ndodhet në pështjellim të plotë, që nga rritja e rasteve me Omicron te zhurma e çizmeve ruse në portat e Ukrainës.
“Kjo Presidencë i ofron asaj një platformë të mirëpritur për të nxjerrë në pah rekordin e saj evropian, për t’u dalluar nga disa nga konkurrentët e saj dhe për të sjellë kërkesa të reja dhe ide të reja”, përmbledh Claire Demesmay, studiuese në qendrën franko-gjermane Marc-Bloch në Berlin, raporton atsh.
Nga sot, Franca, pas Sllovenisë, do të kryesojë Këshillin e Bashkimit Evropian (BE) për gjashtë muaj, i cili përfaqëson interesat e 27 shteteve anëtare përpara Komisionit dhe Parlamentit Evropian.
Ajo do të duhet të përdorë ndikimin e saj për të çuar përpara disa çështje dhe për të gjetur kompromise nëse ky ushtrim i ndërmjetësit, shumë i mbikëqyrur, e ndalon atë të jetë gjyqtare dhe palë.
Ministrat francezë do të kryesojnë konkretisht takimet e homologëve të tyre evropianë në fushën e tyre të kompetencës (bujqësi, shëndetësi, punë të brendshme e tjerë).
Kjo është presidenca e 13-të e radhës e mbajtur nga Franca, që nga viti 1958 dhe e para që nga viti 2008.
Ndërkohë, zgjedhjet presidenciale do të zhvillohen më 10 dhe 24 prilli, ndërsa ato legjislative në qershor.
Një skenar i përjetuar tashmë në vitin 1995.
Emmanuel Macron ka shumë të ngjarë të jetë një kandidat për rizgjedhje.
“Franca do të ketë (de facto) një periudhë shumë të shkurtër për presidencën – dhe një agjendë shumë ambicioze. Tre muaj janë shumë, shumë të shkurtër”, vëren Claire Demesmay.
