Tërmeti në Marok ka shënuar tashmë mbi 2000 viktima, ndërsa 300 mijë të tjerë raportohet se janë prekur nga dëmet që shkaktuan lëkundjet.
Sidoqoftë, s’kanë munguar dhe mrekullitë, mes gjithë dhimbjes. Ekipet e shpëtimit vijojnë të nxjerrin njerëz të gjallë nga rrënojat. Një video ku duket një foshnjë që nxirret nga një burrë nga rrënojat është rrënqethëse.
I porsalindur ka arritur të mbijetojë dhe është dërguar në spital për një mjekim më të specializuar.
Tërmeti kishte shkallën 6.8 por u përcoll edhe me një pasgoditje prej 4.9 rreth 19 minuta më vonë. Epiqendra ishte në një zonë me popullsi të rrallë të Maleve të Atlasit të Lartë, 71 kilometra në jug-perëndim të Marrakeshit, një destinacion i madh turistik.
