I sapozgjedhuri kryesues i kuvendit komunal të Prishtinës, Fehmi Kupina ka marrë një fjalë rasti para asamblesitëve.
Kupina ka kërkuar nga ta mbështetje që të udhëheqin së bashku komunën e Prishtinës.
“Besimi jua përpos privilegjit është edhe përgjegjësi për mua. Kërkoj nga ju mbështetjen për udhëheqjen e komunës së Prishtinës. Ju siguroj për një bashkëpunim të plotë. Unë do të zbatoj me përpikmëri çdo formë juridike të cilat i kam obligim.Plani jonë është i gjatë, bashkë me qytetarët do t’i zgjedhim, do t’i mbikqyrim dhe do t’i realizojmë të gjitha projektet. Na priftë e mbara drejtë realizimit të projekteve”, është shprehur Kupina.
Pas fjalës së tij, kuvendi komunal ka shkuar në pauzë për t’u kthyer më pas në orën 13:30.
