Këtë fundjavë do të zhvillohen katër ndeshje të xhiros së 14-të të Superligës së futbollit, ndërsa derbi ndërmjet Ballkanit dhe Prishtinës është shtyrë shkaku i angazhimeve të ekipit nga Suhareka në garat evropiane.
Kësisoj, dy ndeshje do të zhvillohen të shtunën dhe dy tjera të dielën.
Drenica i shkon Ferizajt, derisa Malisheva e pret Trepçën ’89.
Sipas orarit të ri, ndeshja që vlerësohet si më interesantja, mes Llapit dhe Dritës, do të zhvillohet të dielën.
Në po të njëjtën ditë do të takohen edhe Gjilani – Dukagjini.
Të gjitha ndeshjet do të zhvillohet nga ora 13:00, teksa Federata e Futbollit e Kosovës ka zbuluar tashmë edhe emrat e zyrtarëve të caktuar për këto ndeshje.
