Deputeti i Kuvendit të Kosovës, Mefail Bajqinovci, ka thënë se një deputet ka shumë punë.
Prandaj, sipas tij, duhet të ketë një asistent. Madje, sipas tij kjo është punë e kryer.
Veç kësaj, ligjvënësi nga radhët e partisë në pushtet pohoi se shumicën e takimeve si deputet i kryen në kafe.
Ai në T7 pranoi faktin se ka palë të tilla që nuk dëshiron të shihet në kafe.
“Tash është marrë vendim dhe është kryer kjo punë. Nëse flasim për mungesën e deputetëve mund të flasim, por kjo është temë tjetër. Po e tregoj të vërtetën. Takimet e mia si deputet i kryej nëpër komuna dhe kafe. Nuk ka vend në Kuvend ku t’i presësh palët. Ka palë që nuk dëshiron të shihet nëpër kafe”, shtoi ai.
