Dy të mitur janë shoqëruar në polici pasi që gjatë kontrollit të tyre është gjetur dhe konfiskuar një pistoletë me 10 fishekë dhe një karikator me 10 fishekë.
Sipas raportit të policisë, rasti ka ndodhur të premten rreth orës 20:30 në fshatin Gjinoc, të Suharekës.
“Janë shoqëruar në stacionin policor dy të dyshuar meshkuj kosovarë të mitur, pasi që gjatë kontrollit të tyre është gjetur dhe konfiskuar një pistoletë me 10 fishekë dhe një karikator me 10 fishekë”, thuhet në raport.
Me vendim të prokurorit, pas intervistimit të dyshuarit janë liruar dhe rast shkon në procedurë të rregullt.
