Bëhet e ditur se Apple po punon në krijimin e një kategorie të re produktesh të palosshme.
Raportet sugjerojnë se ai produkt mund të ketë një ekran më të madh në krahasim me shumicën e telefonave inteligjentë të palosshëm dhe të disponueshëm aktualisht në treg.
Nëse këto thashetheme janë të vërteta, kjo pajisje mund të jetë telefoni ose tableti i parë i palosshëm nga Apple.
Gjithashtu, është spekuluar se modeli i ri mund të krahasohet me iPad Mini, dhe pritet të prezantohet në vitin 2026 ose 2027.
Versioni iPad Mini i vitit 2021 mundësohet nga një çip A15 Bionic dhe është i disponueshëm në dy variante, 64 GB dhe 256 GB.
Gjiganti teknologjik po punon edhe drejt përmirësimit të versionit iPad Mini duke e përditësuar me një ekran OLED.
