Zëvendësministri i Punëve të Jashtme i Republikës së Kosovës, Emanuel Demaj po qëndron për vizitë zyrtare në Slloveni, ku po merr pjesë në forumin ekonomik Slloveni – Kosovë.
Ky aktivitetet bashkë organizohet nga Oda Ekonomike e Sllovenisë, Oda Ekonomike e Kosovës, Klubi i bizneseve Slloveno – Kosovare në Prishtinë dhe Ambasada e Kosovës në Slloveni.
Në këtë konferencë u konfirmua edhe njëherë se Sllovenia dhe Kosova kanë bashkëpunim të mirë në të gjitha fushat, e sidomos duhet të shfrytëzohet dhe thellohet bashkëpunimi ekonomik, pasi bizneset sllovene janë të gatshme për të investuar në Kosovë.