Presidentja e Kosovës, Vjosa Osmani, njoftoi se sot ka pritur në takim Ministrin e Punëve të Jashtme të Bosnjë e Hercegovinës, Elmedin Konakoviq.
“Kjo vizitë e rëndësishme dëshmon rëndësinë e dialogut dhe bashkëpunimit për paqen dhe stabilitetin në rajon.”, shkroi Presidentja Osmani.
Konaković, Ministri i Punëve të Jashtme të Bosnjë e Hercegovinës, është në Kosovë me ftesë të Presidentes Osmani për të marrë pjesë në Forumin Ndërkombëtar për Gratë, Paqen dhe Sigurinë.
Postimi i plotë:
Sot mirëprita Ministrin e Punëve të Jashtme të Bosnjë e Hercegovinës, Elmedin Konaković, i cili e pranoi ftesën time për të marrë pjesë në Forumin Ndërkombëtar për Gratë, Paqen dhe Sigurinë.
Kjo vizitë e rëndësishme dëshmon rëndësinë e dialogut dhe bashkëpunimit për paqen dhe stabilitetin në rajon.