Kosova është në krye të një renditje në “Rio 2016” falë triumfit të Majlinda Kelmendit.
Kosova është në pozitën e parë, në hartën për medalje olimpike për kokë banori.
Ndonëse shtete si Shtetet e Bashkuara të Amerikës, Kina e të tjera janë ato që dominojnë në renditjen e përgjithshme, edhe Kosova ka arsye të krenohet.
Kosova gjendet në pozitën e parë në bazë të medaljeve për kokë banori, shkruan “Medalspercapita.com”, pas triumfit të Majlinda Kelmendit në xhudo, përcjell “Lajmi.net”.
Kosova, e cila shpalli pavarësinë në vitin 2008, ka vetëm 1.8 milion banorë.
Kjo i bie një medalje për këta 1.8 milion banorë.
Sllovenia me një medalje dhe Zelanda e Re me dy medalje, pozicionohen në vendin dy dhe tre.