Kryetari i Kuvendit të Kosovës, Glauk Konjufca ka kritikuar qeverinë Kurti dhe ministrat e saj për mungesën në Parlament gjatë seancës.
Konjufca këtë mungesë të ministrave e ka quajtur “jo-serioze”.
Madje ka thënë se nuk mund të punohet kështu kur ministrat nuk vijnë për të prezentuar projektligjet.
“Për besë jo-serioze. Pajtohem me Abelardin kësaj radhe. Duhet të jenë ministrat për besë mi prezentu projektligjet se nuk mujmë me punu si Kuvend i Republikës së Kosovës kështu”, ka thënë Konjufca.
Ai qeverinë e ka kritikuar edhe kur ka vendosur që seanca të shkojë në pauzë 20-minutëshe.
“Shkojmë në një pauzë 20 minuta derisa qeveria të bëhet pak më serioze”, ka thënë Konjufca.