Nga Fabrizio Romano vjen një zhvillim i rëndësishëm që mund të ndikojë në të ardhmen e Simone Inzaghit te Interi. Sipas gazetarit të njohur italian, aktualisht është duke u zhvilluar një takim mes drejtuesve të Interit dhe trajnerit Inzaghi për të diskutuar të ardhmen e tij, ndërsa një ofertë konkrete nga klubi saudit Al Hilal është tashmë në tryezë.
Al Hilal, një nga klubet më të fuqishme në Arabinë Saudite dhe me ambicie të mëdha në arenën ndërkombëtare, ka bërë një lëvizje të qartë për të siguruar shërbimet e trajnerit italian.
Oferta nga Al Hilal konsiderohet e fuqishme dhe joshëse, si në aspektin financiar, ashtu edhe në projektin sportiv që klubi saudit po ndërton me yje ndërkombëtarë. Ndërkohë, Interi dëshiron ta mbajë Inzaghin në krye të skuadrës dhe pritet të diskutojë në takim kushtet e një rinovimi apo një projekti të ri afatgjatë për të bindur trajnerin të qëndrojë në Milano.
Ende nuk ka një vendim përfundimtar, por bisedimet janë në zhvillim e sipër. Dita në vazhdim mund të sjellë qartësi për një nga çështjet më të nxehta të merkatos së trajnerëve këtë verë.
Nëse Inzaghi pranon ofertën e Al Hilal, kjo do të përfaqësonte jo vetëm një ndërrim të madh drejt Lindjes së Mesme, por edhe një tjetër dëshmi e fuqisë financiare që po tërheq gjithnjë e më shumë emra të mëdhenj nga futbolli europian.
