Deputetja e Lëvizjes Vetëvendosje, Fitore Pacolli ka akuzuar Lidhjen Demokratike të Kosovës se tentoi ta bllokojë “me çdo mjet” themelimin e Byrosë për Konfiskimin e Pasurisë së Pajufistikueshme, ani se kjo parti kishte votuar pro projektligjit.
Pacolli në një shkrim në Facebook ka tentuar t’i mashtrojë ndjekësit e saj, duke pretenduar se LDK ishte kundër Byrosë, anise një gjë e tillë nuk qëndron.
Ajo madje bëri edhe dy pyetje në gjuhën angleze.
Postimi i plotë i deputetes së VV-së:
Pas termocentralit me gaz, LDK tani po na “befason” edhe me idenë e ndërtimit të SPAK-ut 😂
Pikërisht ata që me çdo mjet kanë tentuar ta bllokojnë themelimin e Byrosë për Konfiskimin e Pasurisë së Pajustifikueshme, nga frika se mos u konfiskohet pasuria, tani po flasin për ndërtimin e një SPAK-u 🤔.
Isn’t it ironic? Don’t you think?
Në fakt, ky me siguri don një SPAK që nuk guxon t’i prekë hajnat e LDK-së 😎.
A po i tregon dikush Lumirit që Byroja për Konfiskimin e Pasurisë po bëhet.
Vonim ka, pshtim ska. Kush është pasuruar jashtëligjshëm ja paftë hajrin!
