Papa po pret një sërë udhëheqësish botërorë që ishin atje për meshën e tij të inaugurimit këtë mëngjes.
Midis tyre ishte edhe zëvendëspresidenti i SHBA-së, JD Vance, i cili në minutat e fundit ka përshëndetur Papën së bashku me bashkëshorten e tij, Usha Vance.
Menjëherë pas zgjedhjes së Leos, një postim në mediat sociale u rishfaq ku Papa kritikonte Vance-in.
Në fillim të shkurtit, ai ndau një artikull nga një botim katolik me titullin “JD Vance gabon: Jezusi nuk na kërkon të rendisim dashurinë tonë për të tjerët”, shkruan Sky News, transmeton Klankosova.tv
Kujtojmë se, në një intervistë, Vance kishte thënë se mësimet e krishtera mbështesin përparësinë e dashurisë, së pari për familjen, pastaj për fqinjët, komunitetin, bashkëqytetarët dhe së fundmi, për botën.