Një mbrëmje që nisi e qetë në “Ferma VIP 2” u kthye në një skenë të ngrohtë romantike mes dy konkurrentëve që po fitojnë gjithnjë e më shumë vëmendjen e publikut – Albës dhe Limit.
Ndërsa ndodheshin në dhomën e gjumit, përreth fermerëve të tjerë që tashmë kishin fjetur, dyshja u përfshi në një moment plot afeksion, duke ndarë puthje dhe përqafime. Lidhja e tyre, që ka evoluar gradualisht gjatë ditëve të fundit, duket se po bëhet gjithnjë e më e dukshme.
Teksa Alba nisi të fliste gjatë këtij momenti intim, Limi me shumë kujdes i kërkoi të mos bëjë zhurmë për të mos i zgjuar të tjerët. “Kur ajo nuk pranoi, ai zgjodhi një mënyrë më romantike për ta ‘qetësuar’ – duke ia mbyllur gojën me një puthje.”
Skena nuk kaloi pa u komentuar nga Ylli, i vetmi që ishte ende zgjuar në atë orë. Me humor, ai i tha Limit: “E mbyte morë vajzën!” – batutë që u prit me të qeshura nga çifti.
Ky moment i veçantë është vetëm një ndër shumë të tjerë që kanë dëshmuar afrimitetin në rritje të Albës dhe Limit. Me kalimin e ditëve, ata po konsiderohen nga fansat si një çift potencial edhe jashtë fermës, ndërsa kimia mes tyre po bëhet gjithnjë e më e dukshme.
