Institucionet e Kosovës sot ndaluan që një tren ilegal, i nisur nga Beogradi për në Mitrovicë, të mos hynte në territorin e Kosovës.
Autoritetet kosovare ditë më parë kanë deklaruar se hekurudhat në veri të vendit, janë në administrimin e Serbisë.
Madje, ministri i Infrastrukturës, Lufti Zharku, para pesë ditësh, kishte deklaruar se çështja e hekurudhave do të duhej të ishte një nga temat për të cilat do të duhej të diskutohej në dialogun politik ndërmjet Kosovës dhe Serbisë në Bruksel, raporton Gazeta Express.
Ai madje kishte thënë se nuk është në dijeni se si trenat nga Serbia hyjnë në Kosovë./Express/