Raportuesja e Parlamentit Evropian për Kosovën, Ulrike Lunacek ka thënë sot se çelësi për marrjen e liberalizimit të vizave për disa muaj është në duart e parlamentit dhe qeverisë së Kosovës, të cilët nuk e përdorin.
“U bëj thirrje deputetëve të Kosovës të pezullojë politikën e bllokadës. Demarkacioni me Malin e Zi ka nevojë për ratifikim. Gjithashtu, Qeveria e Kosovës duhet të ndërmarrë hapa të besueshëm dhe të efektshëm për të luftuar korrupsionin dhe krimin e organizuar”, ka thënë Lunacek, transmeton Indeksonline.
Lunacek ka raportuar se Komisioni Evropian ka dhënë “dritën jeshile” për liberalizimin e vizave sa më shpejt që të plotësohen dy kushtet e mbetura.