Zlatan Ibrahimovic ka dhënë një tjetër deklaratë interesante gjatë ditës së sotme
Pas ndeshjes me Sunderlandin, ku Ibrahimovici shënoi gol të bukur në fitoren prej 3:0 të “Djajve të Kuq”, suedezi dha një deklaratë interesante duke thënë se po bëhet gjithnjë e më i mirë.
Ai e lidhi formën e mirë që po kalon pavarësisht moshës 35 vjeçare me filmin e Benjamin Button, ku personazhi kryesor lind i vjetër dhe shkon duke u përtërirë – derisa vdes fëmijë.
“Sa më i vjetër që bëhem, jam më inteligjentë. Ndihem sikur Benjamin Button. Jam lindur i vjetër dhe do të vdes i ri”, ka thënë Ibra me shaka pas ndeshjes.