Kryetari i AAK-së, Ramush Haradinaj, i ka uruar të gjitha forcat politike në Shqipëri për legjislaturën e re pas zgjedhjeve të mbajtura më 11 maj.
Haradinaj tha se duke ju uruar sukses në këtë mandat, presin që Shqipëria të jetë udhërrëfyese e po ashtu të konsolidojë e avancojë interesat e shqiptarëve kudo ndodhen jashtë kufijve të Shqipërisë.
“Zemra na rreh një me Shqipërinë e cila ishte pranë nesh në çdo hap të ndërtimit të Kosovës, qysh nga celulat e para të çlirimit e deri sot”.
“Uroj legjislaturën e re të këtyre zgjedhjeve, nga të gjitha kahjet politike. Duke ju uruar sukses në këtë mandat ne presim që Shqipëria të jetë udhërrëfyese e po ashtu të konsolidojë e avancojë interesat shqiptarëve kudo që ndodhen jashtë kufijve të Shqipërisë”, shkroi Haradinaj, transmeton Klankosova.tv.
Më tej, ai u shpreh se lidhja vëllazërore e gjakut, e gjuhës dhe e aspiratave të përbashkëta është e përjetshme.
