Është arrestuar një person i dyshuar se ka qenë i përfshirë në shtatë raste të grabitjeve dhe tentim grabitjeve të armatosura, transmeton Klankosova.tv
Siç bën të ditur policia, këto raste kanë ndodhur kohëve të fundit në kryeqytet.
“Ndaj personit të dyshuar me aktvendim të nxjerrë nga ana e prokurorit të shtetit, është shqiptuar masa e ndalimit policor prej 48 orësh”, shkruhet në komunikatën për media.
Aktualisht po vazhdon puna hetimore në koordinim edhe me Hetuesit Rajonal, për zbardhjen e plotë të dyshimeve të ngritura për implikimin e të dyshuarit edhe në disa raste të tjera që po hetohen nga ana e policisë
