Aksident trafiku në “Rrugën B” në Prishtinë – S’dihet për të lënduar

Një aksident trafiku ka ndodhur para pak çastesh në rrugën B në Prishtinë, ku janë përfshirë disa vetura.

Nga pamjet që ka siguruar Sinjali, shihet se aksidenti ka shkaktuar dëme të konsiderueshme materiale, ndërsa ende nuk dihet nëse ka persona të lënduar.

Shkaqet dhe rrethanat e këtij aksidenti nuk janë bërë të ditura, ndërsa Sinjali ka kontaktuar me Policinë e Kosovës për më shumë detaje dhe është në pritje të përgjigjes zyrtare.